懲教署噚日舉行周年記者會，同時又係新任署長彭詢元上任後首次見傳媒。彭Sir第一次以署長身份主持記者會，就即刻訓示在場行家。
話說有記者喺會上問彭Sir，舊年多位知名人士好似謝霆鋒被監禁，吸引大批傳媒採訪，有冇影響到懲教署嘅運作，彭Sir就好幽默咁答：「你自己都可以答啦。會。」
彭Sir跟住就話，傳媒嘅採訪會加重同事嘅工作量，𠵱家政府又要削減人手，希望傳媒喺採訪時唔好令同事難做喎。八方好明白，其實彭Sir都係想維護下屬啫，絕對唔係對傳媒有敵意嘅。
傳真︰2623-9278
電郵︰