董建華噚日飛咗上上海休假，今日會出席紀念佢阿爸嘅「董浩雲航運博物館」開幕禮。此館設於交通大學，舊年四月動工，由東方海外基金捐建。
噚晚，阿董去咗好出名之「海上阿叔」餐廳食上海菜，筵開三席。呢間餐廳八方都幫襯過，的確好正，聽講糖王郭鶴年一得閒就飛去食。
阿董咁好胃口，當然同離開咗香港，聽唔到立法會辯論有關，亦同前晚遭遇有關。話說前晚有四千基督徒齊集會展，為香港前途祈禱，一齊唱祝福歌，祝願呢個城市之尊嚴復興，佢哋重起立歡迎阿董，阿董好感動，有人見到佢眼都紅埋㖭。
傳真︰2623-9278
電郵︰