單親媽媽文女士近年靠做酒樓侍應養育一對在學女兒，早前文女士因酒樓結業加入失業大軍，自此難以覓得工作，經濟陷困，欠下兩個月屋租及煤氣雜費，近日已到山窮水盡地步，蘋果日報慈善基金即時撥款助她解困。
面容憔悴的文女士，向到訪記者幽幽地說：「包租婆今朝又嚟催我交上個月同今個月租金，佢警告我再唔交租就會趕我三母女走。𠵱家我身上剩得百幾蚊，都唔敢諗可以捱得幾耐，叫我點去還債！」
三十五歲的文女士，原籍上海，早年移居香港後，與較他年長五歲的同鄉黃先生共諧連理，先後誕下兩名女兒。
黃先生任職駕車送貨工人，婚後努力賺錢養活妻女，是家中經濟支柱。可是黃先生自三年前離家不知所終，遺下文女士帶着一對女兒孤苦過活。
「阿黃突然人間蒸發，呢度同鄉下所有親友都冇佢消息，到𠵱家大家都唔知佢係生係死。」文女士歎道。
丈夫蹤影杳然，文女士近年惟靠一己勞力維持家計，努力為口奔馳。「呢幾年我一直靠做酒樓侍應勉強擔起頭家，早出晚歸，好在兩個女都非常生性，好畀心機讀書，重識得自己煮飯食，完全唔使我擔心。」兩名女兒現年十二及十三歲，分別就讀中一和中二。
文女士續向記者細訴：「可惜前排間酒樓執笠，試過搵其他工，好似做售貨員、辦公室信差咁，但一直冇回音。」
失業令窮苦的文女士雪上加霜，刻下，她面對被追數及迫遷的惡劣境況，連三餐也將成問題。「我問過親戚朋友借錢，但大家各有負擔幫唔到我。我始終想自食其力，所以希望解決咗今次經濟困難之後，盡快搵到工做，咁至係長遠之計。」
蘋果日報慈善基金了解文女士苦況後，即時撥款九千元，助她清還拖欠的租金、電話費及煤氣費，應付短暫生活急需。 捐款編號：C0798
12月及1月份屋租：7,200元
兩個月電話費：330元
兩個月煤氣費：約200元
合計：約7,730元（尚未包括膳食開支）
暖流熱線
電話:29908688
傳真:23702192
電郵:
網址：