想啟發你嘅子女對自己了解多一點，今日上午10時至下午9時帶佢哋去尖沙嘴科學館睇「失儀學：生理現象解究」展覽，十多組放大咗嘅人體器官立體模型，讓小朋友認識到點解會打乞嚏、又或者肚仔會咕咕聲。咁有趣嘅展覽入場費都係$20咋。
「人體奧妙展」日日都重有人睇㗎，現場50具真屍任睇任模，開放時間係上午10:00至下午5:30（5時停止進場），票價：成人$80、學生及長者$40、6至12歲小童$20，地點係灣仔華潤大廈低座三樓「香港展覽中心」。
讀萬卷書不如行萬里路，若你無暇上路，就近近哋去尖沙嘴漆咸道南100號的「香港歷史博物館」，參觀秦漢文物精華展，補番數。出晒名的兵馬俑固然入圍，最近新發現的石鎧甲、石冑以及漢景帝陵，即陽陵的出土文物，每人畀十蚊，就有得睇。記住今日嘅開放時間係上午10時至下午6時。