「社署上個月終於批咗綜援畀我哋，𠵱家日子冇咁難過囉。」單親媽媽陳女士鬆一口氣說。
四十一歲的陳女士，結婚十五載，育有三名現年分別十四、十二及十一歲的子女，經濟上一直依賴從事運輸業的丈夫維持。
但自從四個月前，丈夫因為欠債離家，夫妻正式分居之後，多年來在家中相夫教子的她，也要重投社會，於晚間當清潔女工，賺取生活費。
奈何由於收入微薄，陳女士每個月二千四百餘元的工資，根本不足以應付一家四口日常基本開支，在入不敷支的情況下，她也被迫借貸度日，更欠下租金、煤氣費、水費多時。「之前因為未申請到綜援，收入又唔夠，我迫住都同銀行借咗唔少錢，但因為息口太高，實在冇辦法還清，我已經申請咗破產，希望啲債主唔好再騷擾我同啲細路。」陳女士無奈地說。
蘋果日報慈善基金有見陳女士境況淒涼，較早前曾撥款六千元紓解他們的經濟壓力，日前另將合共三千五百元的善長捐款轉交陳女士。
陳女士表示：「真係好多謝蘋果基金，如果之前唔係得你哋幫忙，我同幾個細路都唔知點算，𠵱家有咗份綜援，慳慳哋都夠生活，起碼唔使再好似以前咁彷徨。另外，我都要多謝各位善長仁翁對我哋嘅關心，呢筆善款，我打算留嚟過新年用，我真係好希望過年之後，可以重新生活。」 捐款編號：C0744
暖流熱線
電話:29908688
傳真:23702192
電郵:
網址：