巨川國際（2903）股價噚日出現插水式下跌，但經紀陳則認為事件好正常，重話隻股稍後可能再變仙股。
巨川噚日急跌59.36%，收0.126元，成交股數758萬股，金額114.7萬元。
經紀陳表示，原先巨川重組完成復牌，佢已經諗住隻股會勁跌，但實際情況唔係咁，佢覺得奇怪，但現時終於出現大跌，講明要跌嘅始終都要跌。
經紀陳解釋，白武士今次以每股0.01元，認購巨川新股，公司亦以相同價錢0.01元，發行8億股新股畀債權人，同時為咗維持公眾持股量，大股東又以每股0.012元，減持13億股出街。現時股價雖然勁跌，但以現價0.126元計，接貨者仍賺到笑，有乜理由唔沽貨獲利？
此外，就算大股東友好唔會亂沽貨，但債權人及舊股東亦會沽，所以巨川股價下跌係正常事，唔跌先係奇事。
至於幾時先至抵買，不妨等佢跌多一陣先算。
慕容小初