近期有報道話數碼港食肆收費高昂，一碗雲吞麵要八十元。八方噚日入去數碼港，參加LeMeridien酒店平頂儀式，問到酒店嘅亞太區行政總裁石敬德（MichaelSagild）每日租金幾多錢，佢話今年九月開幕時，租金會跟貼中環、金鐘嘅五星級酒店水平，估計每日要千二至千五蚊。八方噚日經過嗰間貴價餐廳，侍應生主動遞上七五折卡推介，但係即使有折扣，亦要諗諗。
平頂禮後，每位賓客同記者都收到一支紅酒，酒名係Bel-Air，即係數碼港住宅貝沙灣嘅英文名。據悉，呢批酒係限量版，由電盈透過LeMeridien，由法國南部一個酒莊特別為貝沙灣生產。電盈基建主席李智康近期頻頻推介呢個盤，佢又出晒名識飲紅酒，八方相信呢批酒一定要過佢一關。
﹙圖﹚呢支名為Bel-Air嘅法國紅酒，係特別為數碼港住宅貝沙灣而限量生產。
傳真︰2623-9278
電郵︰