63歲的Cathy，大大話話車了二十幾年嘢，手工毋庸置疑。這裏的每一個袋，都是她一針針車出來，全部是心機。而且款式夠獨特，最多車幾個，唔怕撞袋。
這袋以拉鏈連接每層，可隨意調校袋的高度。而且還車了個手挽和側揹扣，任你配搭兩種揹法。每個$600。
手作坊
上環德輔道中323號西港城商場地下6號舖（28540396）
阿爺嗰代嘅海味老字號，其破天荒之作是自家推出罐頭鮑魚，(左至右)推介澳洲鮑($200)、新西蘭鮑($180)及醬皇鮑($220)。而醬皇鮑屬新派已調好味的鮑魚。
安記
上環急庇利街8號金豐大廈地下G座及1樓（25446336）
上環的FleaMarket於剛過去的星期日加入了約二十檔海味藥材攤檔，有關方面宣布只在農曆年前的星期日進行，即本月19及26日。有時間不妨逛逛，辦年貨。
來到大笪地，便能尋回古法做的缽仔糕。這裏的缽仔糕用米磨漿做，還要蒸上個半鐘才起到一底。入口特別滑，唔會一口粉兼唔會黐牙。每個$4，$7有2個。
上環大笪地A36號
小小的店舖，堆滿麥記精品，像這套有齊麥當勞叔叔、滑嘟嘟、漢堡神偷及小飛飛的錢罌，乃深圳第一間麥當勞開幕時所出的，且是全新，第二度都幾難搵！除麥當勞叔叔售$950，其餘3個各$280。
麥滿城
上環德輔道中323號西港城商場地下5號舖（82022021）