名牌卡地亞噚日喺中環交易廣場搞咗個珠寶展，推廣「LeBaiserDragon」系列，現場除咗有靚女模特兒示範珠寶外，到會嘅嘉賓級數都唔差，好似有陳方安生同佢妹妹陸方寧生，陸太話月尾係佢媽咪九十歲大壽，到時一定齊集全家人慶祝。
而早前被列入李國寶緋聞女友之一、曾經搞過披肩生意嘅梁樂華亦同兩個女朋友去睇珠寶，佢話𠵱家已經冇搞生意喇，至於寶Baby單新聞嗰排咁Hot，梁樂華又榜上有名，究竟有冇困擾過佢呢？佢同寶Baby又重有冇聯絡呢？梁小姐都只係以「NoComment」回應，然後就急急腳走人。林妙萍攝
（圖）李國寶嘅緋聞女友梁樂華（中）噚日同兩個朋友去睇珠寶，但佢對所有關於寶Baby嘅問題都唔答。
傳真︰2623-9278
電郵︰