胡杏兒近年事業與愛情皆得意，她表示現時雖無結婚計劃，但因不願年紀太大才生孩子，若有天忽然衝動起來，隨時會閃電結婚。杏兒更自爆其童年志願是當個超級市場的執貨員，希望可近水樓台趁機偷吃零食，認真騎呢。
胡杏兒近日正忙於拍攝無綫新劇《律政新人王》（暫名），飾演一名年輕果斷的律師，為了讓角色更入木三分，杏兒特地將一把秀髮剪短。
杏兒表示她扮演的角色是個口齒伶俐及充滿自信的人，與現實生活中的她頗為相似，杏兒說：「呢個角色最難嘅地方，係要念好長嘅對白。」問到杏兒的童年夢想會否正是當一個律師時，她說：「我細個嘅志願好怪，我想做超級巿場裏面嘅執貨員，因為細個成日行超級巿場，但買零食嘅錢又唔多，所以我成日以為做執貨員近住啲零食，就可以乘機偷食。」
幸好杏兒在科技大學修讀生化學系學士課程期間，陪朋友參選港姐的她卻當選季軍，並順理成章加入娛樂圈，才改變了她騎呢的「志願」。
杏兒剛憑劇集《流金歲月》的角色，在無綫台慶中獲得「飛躍進步大獎」，她自言希望透過飾演不同的角色去看盡人生。杏兒說：「我最想做民初戲同扮打女，就算辛苦啲都冇所謂，我捱得㗎。」
雖然杏兒對其演藝事業抱有雄心壯志，但她難道不怕男友催婚？杏兒說：「我係事業型嘅女仔，不過有時都幾浪漫，我覺得藝人都應該有自己嘅空間，我都唔想太老先至生仔女。𠵱家我都冇計劃幾時結婚，或者有一日『叮』一聲，我有衝動就去結婚。」
