中國證監會副主席查史美倫嘅去留問題香港人好關注，因為佢係最高級嘅港人京官，而且有傳佢會返去香港證監會。估唔到大陸網民都好緊張佢嘅動向，不過留言用詞就唔多客氣。
新浪網噚日引述《國際金融報》報道，好肯定咁話史美倫會留任中國證監，重搞咗個留言區畀網友發言，一日之內就有二百幾個留言，絕大部份係鬧佢搞殘個市，有啲留言大肆人身攻擊，重幫佢改咗個花名叫「死美人」﹙史美倫的普通話諧音﹚。
不過查太都有支持者，有網友話中國股市本來就問題多多，叫監管者收手，即係縱容不良分子繼續魚肉小股民，叫查太「站正了，別倒下。」查太面對咁大壓力都繼續做落去，果然係「鐵娘子」。
傳真︰2623-9278
電郵︰