踏入二○○三年，好多人屋企都掛咗新月曆，不過唔講唔知，好受歡迎嘅「福」字月曆係由國泰航空所創。國泰市務服務經理DanielHeung接受最新一期《國泰天地》訪問時話，自從八十年代開始國泰就推出福字月曆，之後好多公司都仿效佢哋嘅設計製作月曆。
Daniel話，月曆嘅製作步驟一啲都唔簡單，每年大概三月，國泰就開始向員工收集預備餽贈畀客戶嘅月曆數目，同一時間就情商書法家為國泰揮筆，大概寫咗百幾個之後，就再畀Philip陳南祿等高層揀個最圓潤、最有福氣嘅福字，到八月初月曆初稿先至完成，都咪話唔認真。
講起國泰，八方想同各位讀者介紹佢哋嘅新任航務董事羅禮祺，呢位仁兄服務咗國泰二十二年，過去五年一直喺航務部工作，不過佢同大部份前任航務董事有啲唔同，就係佢並非機師出身。佢接受《國泰天地》訪問時都承認，航空公司嘅常務董事由非機師擔任唔常見，不過佢話一定唔係前無古人，亦相信後有來者。
（圖）唔講唔知，呢種福字月曆係由國泰所創。
傳真︰2623-9278
電郵︰