立法會財經事務委員會噚日開會，討論最低佣金制，證監會代表發言時，黃宜弘竟忽然發火，嫌人照稿讀，阻住佢貴人事忙。八方見到呢幕，覺得幾好笑，原來喺尊貴嘅議事堂不宜發言、只宜瞓覺。
話說上周黃宜弘聽董建華宣讀施政報告，瞓到踢都唔醒，冇起立歡送特首離場，此事已成政圈笑話。八方聽聞中華總商會有人好不滿，因為黃宜弘身為中總司庫，可以話代表中總，瞓覺已經令中總尷尬，第二日佢補鑊，向阿董話瞓着覺係對「施政放心嘅最佳表現」，笑到大家碌落地。
有議員話好同情黃宜弘，因為對住阿董呢位催眠大師，用三十五分鐘解釋經濟點解差，要保持清醒真係唔易。好多議員當日一邊聽一邊好忙碌咁寫筆記、飲水，再唔係去洗手間，就係務求唔好瞓着覺。
傳真︰2623-9278
電郵︰