當年韋史密夫（WillSmith）唱而優則演，佢啱啱出道唱歌嗰陣，重攞過格林美。之不過韋史密夫近年佢太專注喺影壇發展，忽略晒歌唱事業，佢上張精選碟喺美國重只係賣出唔夠十萬張，佢效力嘅唱片公司要同佢解約，重話唔理佢係幾大粒星，總知賣唔到碟嘅就要炒！但佢部《黑超特警組2》就入選咗英國奧斯卡觀眾投票嘅「最佳電影」十強，都有番啲安慰。