「將來有需要我發言嘅時候，我一定唔會變咗啞嘅人。」
「如果政府唔鍾意我哋嘅措辭，而影響政府採納我哋嘅意見，我覺得好悲哀。」
「（處理二十三條）策略冇改變，我哋嘅策略係最普通嘅策略，就係直言！」
【本報訊】在《基本法》二十三條立法與政府關係鬧僵的大律師公會，昨日換屆。已連任兩屆主席的梁家傑退下火線，由資深大律師陳景生接棒。相對梁家傑的敢言，陳景生昨面對傳媒態度謹慎，強調自己不愛出風頭，即使談及二十三條也沒有顯露激動之情，但對維持法治仍不失堅持：「將來有需要我發言嘅時候，我一定唔會變咗啞嘅人。」
對於外間把他與敢言的梁家傑比較，陳景生說：「每個人做事嘅風格未必完全一樣，但係如果我接受得做大律師公會呢個挑戰，我會做番大律師公會主席應該做嘅事。」
在華懋集團主席龔如心與家翁王廷歆爭產案中，代表王廷歆一方勝訴的陳景生昨在沒有對手的情況下，自動當選大律師公會新一任主席。另對人權法甚為熟悉的資深大律師戴啟思和夏博義，也分別當選副主席和執行委員會委員（見表）。
陳景生在記者會上首先扼要列舉大律師公會來年要處理的內務，包括針對法律教育、民事司法制度檢討和法律援助的工作；至於外務方面，他強調大律師公會有責任維護法治，秉承對二十三條立法工作的承擔，希望說服政府採納公會意見。
陳景生剛接過二十三條這個燙手山芋，表現得份外謹慎，即使談及惹火人物保安局局長葉劉淑儀，仍保持平淡的對答：「葉女士係咪情緒化呢？呢方面我嘅意見係冇幫助嘅。無論我覺得佢係情緒化好，冇情緒化好，合理好唔合理好，呢樣嘢如果我發表意見，對大律師公會同政府嘅溝通係冇幫助。」
他堅持理性討論：「萬事不離一個理字，所以如果大家平心靜氣去睇理據，去睇大家嘅理由，咁事情解決嘅方法就更加好。」
但對政府沒有認真考慮公會意見，而葉太日前甚至批評公會「開天索價、落地還錢」，這位新任主席也禁不住搓揉手腕、抽一口氣以較為強硬的語氣說：「如果政府唔鍾意我哋嘅措辭，而影響政府採納我哋嘅意見，我覺得好悲哀。……我哋唔會因為想討好政府，而講啲我哋覺得唔啱嘅嘢。」
他強調大律師公會只是一個特別關注法治的專業團體，並非想與政府做買賣或是做對手，不想與政府有任何特殊關係；在處理二十三條時，公會也不會為討好政府而違反原則：「策略方面係冇改變，我哋嘅策略係最普通嘅策略，就係直言！」他又相信這項立法問題並非由葉太一個人作出決定。
至於與大律師公會交往較多的律政司，陳景生一方面讚賞律政司司長梁愛詩帶領專業打入大陸市場的工作，但卻不能認同她對法治的看法。陳景生形容自己「百分百擁護」梁家傑在法律年開幕的演辭，即使梁愛詩對那演辭感到不快，「梁司長唔滿意就唔滿意啦」。