香港時裝節昨日上演一場名為「Three」的fashionshow，展出三位設計師AnnieLing、EvaChow及PatrykChaou的新作，並請來任葆琳、九人女子組合Cookies及二人男子組合Shine任模特兒，其中以任葆琳示範的新裝最性感。
任葆琳、Shine、Cookies四位成員Helena、Miki、Stephy和Theresa昨日分別以模特兒身份行show，任葆琳免費義助新進設計師AnnieLing，而Cookies及Shine則分別示範周靖豪的新裝。
三個組別中，以行show經驗豐富的任葆琳最鎮定，即使穿上極性感的corset上衣也毫不緊張。而Cookies及Shine示範的都是青春便服，當中以Helena表現最緊張，她事後稱是對舞台不熟悉。
任葆琳昨日表示設計師AnnieLing是她大學同學的表姐，所以樂意免費行show，她說：「Annie好有才華，雖然做設計師只係佢嘅副業，但係佢都做出正職嘅水準。」問任葆琳昨日示範的corset上衣相當性感，不怕走光嗎？她說：「我喺後台照過幾次鏡，件衫係好性感，但絕對冇走位嘅危險，我愈嚟愈鍾意做模特兒，今晚重會幫Barney（鄭兆良）行show㖭。」
而Shine的兩位成員徐天佑與黃又南三年前合作過演出hairshow，二人異口同聲說：「𠵱家諗番起都覺得好笑，嗰時染到個頭紫色，搞到第二日要走堂。嗰陣重懵到問人喺邊度換衫，其實啲專業模特兒一返後台就即刻換衫㗎啦，嗰時除淨條內褲，露出對光管腳，都覺得好尷尬㗎。」
