來自紐約、年僅二十三歲的NorahJones，自去年推出處女大碟《ComeAwayWithMe》後，短短一年間已躍升為新一代爵士樂天后，更在今屆格林美音樂頒獎禮中獲得五項提名。下周一（二十日）首次在香港會展開騷的她，日前接受本報獨家越洋電話訪問。
喜歡自彈自唱的Norah，其處女大碟《ComeAwayWithMe》，最近在全球最大型的購物網站Amazon.com中獲客戶選為去年的「全年最佳大碟」，Norah更獲美國雜誌《EntertainmentWeekly》，選為去年「十大重要人物」。不少美國樂壇前輩點名稱讚她，連日本歌手平井堅亦是Norah的fans，在個唱上唱她的名曲《Don'tKnowWhy》。
年紀輕輕的Norah被稱讚唱歌有經典爵士歌手的成熟韻味，她說：「我冇點樣摸索，或者我喺啲club蒲得多，同啲音樂人交流學到嘢囉！」對於過去一年由寂寂無聞的女孩，搖身變成樂壇新寵，Norah說：「我冇諗過有咁好嘅成績，感覺有啲怪怪哋，但又好似發緊夢一樣！過去一年我不斷喺世界各地巡迴表演，都冇時間去諗自己有乜嘢得同失。」
談到去過演出的地方，Norah對日本情有獨鍾，她興奮地說：「日本觀眾嘅反應最好，我好鍾意日本湯麵同埋喺嗰度買衫。不過，今次第一次嚟香港只可以逗留一日，跟住又要趕去澳洲其他地方開騷。」
Norah對提名格林美樂壇大獎，表示會以平常心面對，她說：「我唔係好在乎攞獎，因為我唔係為攞獎而唱歌。下半年我會集中喺美國開騷同籌備新碟，咁就唔使成日搭飛機咁辛苦啦！」