鄭中基自從與谷德昭合作拍賀歲片《行運超人》後成為好友，故很多時即使沒有他的戲份，他都會到片場探班。
《行》片導演谷德昭前晚到灣仔會展欣賞香港時裝節的時裝騷時說：「我本來同Ronald（指鄭中基）一齊嚟，不過佢病咗。」谷德昭又大讚Ronald，他說：「佢喺套戲裏面好突出，我以後開戲都會預埋佢。我好少可以同一個演員咁夾，我哋𠵱家去到邊都一齊，又成日傾電話，好鬼癡纏，好似情侶咁。」
提到對《行》片的期望，谷德昭說：「之前啲戲（指聖誕檔期）咁收得，今年又冇一套真正嘅喜劇，我覺得好大壓力。」問他《金雞》不算喜劇嗎？他說：「《金雞》內容有含意，又唔算係真正嘅喜劇，《行運超人》就係純粹嘅笑片。」