我Apple姐每星期總有三日或以上會去中環嘅，話時話，出一轉中環都幾煩㗎，成日遇到熟人，所以要執靚個樣先出得街見人。 皮膚白淨 但係我早排就遇到個不施脂粉嘅名太喺中環購物，佢就係代理名表FranckMuller嘅周國勳（右）太太周譚蕙菁（左）嘞。哈！周太真係稱得上「濃妝淡抹總相宜」，嗰日見佢冇化妝喺置地廣場間YSL度睇衫，以真面目示人嘅佢，皮膚白白淨，幾叫人羨慕㗎。