中共十六大之後，香港商界其中一件重要工作，就係起清九個政治局常委個底，搞清楚佢哋有乜親戚朋友以便拉吓關係。 八方噚日去深圳參加中國燃氣同中國工商銀行融資簽約儀式，見到中國燃氣非執行董事吳邦杰（圖），個樣同副總理吳邦國成個餅印，一問之下，果然係吳邦國個大佬。佢喺上海搞醫學，同燃氣冇乜關係。 吳邦國舊年十一月十五號當選政治局常委，坐第二把交椅，今年三月會做全國人大委員長，中國燃氣十一月二十日就委任吳邦杰做非執行董事，反應果然夠快。 傳真︰2623-9278 電郵︰[email protected]