往年有不錯業績嘅奧迪，過往因為無自動波版，而對旗下嘅TT車系有一定影響；然而，喺嚟緊二、三月間，佢哋會引入加有Tiptronic半自動波箱嘅新版TT。據知，新TT只會引入前輪驅動型號，以維持車價在40萬內，務求吸引更多買家嘛！至於佢哋旗艦車系嘅A8，聽聞新車亦會隨後抵港，以爭取豪華轎車市場嘅佔有率，估計到埗時間會響4月內。據知，全新引入嘅A8除頂級4.2公升Quattro版本外，重有標準版嘅3.7公升型號，同樣配備埋恒式四驅Quattro，響同級車中都可謂無出其右㗎！至於車價方面，聽聞話3.7公升版會賣70萬左右，對同級嘅寶馬735i，又或者係平治S350，都可算係一次正面挑戰喇！