特首份施政報告，儘管曾廣邀各路英雄發表意見，點知公布時仍係無姿勢又無實際。近幾日不少曾經畀過意見嘅議員及社會人士，陸續收到中央政策組首席顧問劉兆佳教授寄出嘅一封信，大意係話：好多謝閣下寶貴意見，不過今次施政報告首要工作係經濟及財赤問題，所以未能接納閣下意見。
不過，並非人人都有幸收到信，立法會議員霍震霆雖然曾向阿董力陳體育發展嘅重要，但施政報告只有十四個字講體育，小霍都收唔到「安撫信」，佢惟有自嘲係「次等議員」。有人讀完封信搖晒頭，話其實今次施政報告只重經濟，重使乜畫蛇添足寫信話畀人知，政府唔得閒睬你。呢位仁兄更加估唔到，連出名多好「橋」嘅學者佳叔，幫咗特首做事後都搞到陣腳大亂。
傳真︰2623-9278
電郵︰