十一歲的傑仔去年五月證實罹患血癌，近日，其體內的白血球數目持續下降，須入院注射營養素，並急需進行骨髓移植。日前，蘋果基金「童夢成真」行動送贈了一部電子遊戲機予他，以解其住院的孤寂。
記者甫見躺在病榻上的傑仔，其面頰以及身形明顯較前消瘦，當他拆開手上的禮物時，即露出開心的笑容。
「以後我可以同媽咪一齊玩雙打遊戲，好玩好多，唔使成日淨係睇電視消磨時間咁悶」，臉容疲倦的他續說：「𠵱家好容易攰，最多行五分鐘就要休息，而每日都會肚痛兩、三次。」
原就讀小學五年級的傑仔，去年五月因肚痛前往醫院求診，證實患了罕見的慢性骨髓發育不良症，屬血癌一種，必須進行骨髓移植以保性命。早前，傑仔兄長的骨髓樣本經化驗後發現與其脗合，院方將盡快安排他進行骨髓移植。
傑仔的主診醫生、港大兒科學系副教授陳志峰表示：「𠵱家傑仔嘅病情進入轉化期，唔正常嘅細胞不斷增加，肚皮脹大，要盡快進行骨髓移植，否則佢隨時會受到細菌感染同埋出現貧血現象，威脅到生命，今次手術嘅成功率約有四成。」
自愛兒傑仔入院後，母親阿菁經常在醫院通宵留宿陪伴左右，照顧其起居飲食。憂心忡忡的她表示：「呢輪都瞓唔着，成日都好擔心佢嘅病況；傑仔未病之前好鍾意飲湯，次次都飲四、五碗，但係𠵱家一飲湯就會肚痛、條腸又唔舒服，見佢乜嘢營養都冇晒，身體又愈嚟愈瘦，有時我都唔知買乜嘢畀佢食。」
四十一歲的阿菁早年與丈夫仳離，現與十九歲待業長子及傑仔，領取綜援金維生。由於阿菁需經常往返醫院，除了加重她的精神負擔外，每月的車費開支亦令原本貧困的生活百上加斤。
縱然傑仔在單親家庭中成長，但其性格活潑開朗，熱愛各項戶外活動，如游泳、踏單車及打籃球等。惟他病後性格變得沉默寡言，甚少外出。
記者探訪當日，傑仔拿着獲贈的電子遊戲機，依偎在母親身旁、滿臉稚氣地提早許下新春願望：「我想快啲做完手術好番出院，趕得切新年𢭃利是。」
捐款編號：C0775
暖流熱線
電話：29908688
傳真：23702192
電郵：
網址：