我的深圳朋友最近向我報料，話深圳福田區的愛華路同沙埔頭村，都聚集了不少韓國餐廳、雜貨店及化妝品店，可以稱得上是一條韓國街。朋友更介紹了三個韓國歌手畀我識，佢哋分別係BB、春子和TT，她們夜晚周圍走場表演，平日的消遣就是到韓國街閒逛，對這兩條街已瞭如指掌。咁好機會當然要請她們充當盲公竹，帶我去她們的心水店舖Shopping兼開餐！
記者：黃希知
攝影：小王子
一入店舖，春子就掃咗呢兩件韓國擺設，她說：「類似這些韓國擺設在韓國到處可見，不過在深圳就極少有，非常有親切感，所以一見到就好想買。
這個迷你鼓，鼓身只有手掌般大小，鑲在木座上，用來當擺設非常別致，富有韓國風俗特色，每個?50。
這對男女公仔全個用木做成，外形肥嘟嘟夠晒得意，用人手畫上公仔的五官和服飾，畫工精細，非常別致，每個?70。
「韓國人好鍾意食這種海鮮餅，一般韓國家庭都會用嚟招呼客人，但深圳好少可以食到，一於買包自己做，方便又快捷。」這種海鮮葱餅粉就是用來製煎餅的主要材料，只需加水開成漿狀，用平底鑊煎至外層香脆金黃便可。
「韓國好多後生仔女都鍾意食零食，我覺得呢款夾心餅幾有特色，味道都唔錯。略嫌呢度飲品種類較少，再加添一些飲料就更加好！」BB攞住兩盒零食笑咪咪的說。
韓國出產的脆卜卜營養粟米片是BB的另一至愛，包裝同味道與美國大牌子的差不多，但價錢就比來路貨平得多，?25一大盒，夠晒抵食。
呢盒士多啤梨夾心餅，每盒 12，喺韓國都頗受歡迎！
金氏韓國商行
電話：（86）75583625557
地址：深圳市福田區愛華路38號1樓
營業時間：上午9時至晚上10時