六十九歲的葉京洪，為牛頭角下邨的清拆戶，兩個月前調遷油塘新落成的公屋，然而「喬遷」卻沒有為葉伯帶來甚麼喜悅，相反令他滿腦子憂心。「新屋地方係闊落好多，有獨立廚房、廁所，不過，為咗搬嚟呢度，搞到我一頭煙，周身唔掂。」葉伯歎道。
葉伯年輕時任職地盤雜工，六、七年前因為雙腳膝蓋退化，不能再幹粗活，遂被迫退休，依靠微薄的綜援金生活。「本來每個月有三千幾蚊綜援，慳慳哋都勉強夠使，但弊在早排搬屋，一下子要交大堆乜費物費，我本身又冇積蓄，惟有用自己份綜援去交囉，搞到今個月冇錢開飯，都唔知點算。」
葉伯表示，社署早前發放了二千二百元的搬遷津貼給他，惟單是新屋上期連按金也要二千七百元，加上水、電按金和電話搬線費，以及聘請搬運工人等等，共花了差不多五千五百元。
「我已經好慳好慳，搬入嚟只係裝咗一部電熱水爐，同埋用咗二百幾蚊買膠墊鋪地下，其他家具都係人哋畀。」葉伯稱，連月來已花盡心思，將手上有限的金錢「左調右調」，惟目前已到達山窮水盡的地步，身上只剩下百多元，實在無法維持到下個月初。「為咗呢件事，我晚晚都瞓唔着，得番百幾蚊，你叫我點捱吖？」葉伯說得情急，禁不住哭了出來。蘋果日報慈善基金了解過他的困境後，即時撥款二千五百元，助其度過經濟難關。
捐款編號：C0796
暖流熱線
電話：29908688
傳真：23702192
電郵：
網址：