在《新紮師妹》中飾演「騰雞」女警的楊千嬅，對自己的搞笑角色有機會成為「理想警察」，表示高興。「好開心，啲人鍾意睇我做警察角色。記得拍《新紮師妹》之前，真係有位皇家師姊教我。見到佢哋真係好勤力，而且體力好好㗎﹗佢哋嘅制服真係好重，好佩服﹗如果我真係可以做到一個真警察，我都會好努力咁捉賊，真係做到除暴安良。」
新一代「師奶殺手」陳豪在電視劇《談判專家》中的負心漢形象，未有影響他角逐理想警察選舉。他說：「我唔係扮過差人好多次，今次有得提名都好開心，真係估唔到。可能因為我外表高大、硬朗似差人嘅形象啩﹗喺呢一行入面，我最欣賞劉青雲做差人。但其實我夢想唔係做差人，反而係想做個畫家。」
歌手許志安憑鬼片《七號差館》入圍，他自覺有點「無厘頭」，「其實我唔止呢套戲做警察，有時都唔明白點解啲人鍾意搵我做呢個角色，可能同我嘅形象有關啦！我覺得做警察最緊要個形象要正面，而且企出嚟要有差人嘅氣勢。就算做過呢個角色，之後有人再搵我都好想拍，因為我都好想人留低深刻嘅印象。」
本報記者