替劉嘉兒打官司的辯方資深大律師清洪（清），昨日執着事主（事）患精神病一點，試圖動搖其證供，並挑剔事主的口供，令雙方一答一問經常出現針鋒相對。
清： 九二至九四年，你病情嚴重咗。
事： 係好咗。
清： 你成日都有幻覺。
事： 但我可以輕易分得出幻覺同記憶。
清： 你同醫生講你個名係耶穌!
事： 係。
清： 又講爸爸係Joseph，媽媽係Mary。
事： 真㗎，我爸爸真係叫Joseph，媽媽叫Mary。
清洪接着質問事主，關於被告把弄他下體的次數及他有否勃起，事主表示自己沒有反應及沒計算次數。
清洪指事主曾作供稱，被告當時搖動他的下體五、六下，但之前證供說五至十分鐘，清洪質疑：「咁要超慢至得」。
清洪問及事主當時為何沒有向家人提及事件。
清： 點解九二年前你冇話畀屋企人知。
事： 我得十五歲，要好大勇氣至可以企出來講真相。
事： 律師先生，你有冇俾人性侵犯過呀?