踏入新一年，相信有唔少日本女星力爭上位，我大口羅拉覺得今年大有可能發圍嘅，就係十六歲嘅市川由衣。 上年重係喺啲日本雜誌度拍吓水着相嘅市川由衣，今年已經有唔同嘅工作，佢唔止做咗日本麥當勞代言人，重拍埋電影《咒怨》，同奧菜惠、伊東美咲呢啲一線姐仔演出，套片今個月尾就喺日本上映，又睇吓佢掂唔掂！