搭飛機去遊埠，梗係好玩啦；不過，等上機嗰陣就唔知做乜好，而且分分鐘班機重會Delay㖭，唔通未出發就Shopping咩。不過，𠵱家喺機場就有多一樣嘢玩，就係打Golf，因為全亞洲首部設於機場內的模擬高爾夫球機已「降落」香港國際機場離境大堂，最啱就係等上機、轉機時一展身手。
記者：劉耀祥 攝影：伍慶泉 ImageGirl：Marcella
呢部Visiotics模擬高爾夫球機可模擬8個國家的球場場景，甚至可以計算擊球距離及重播揮桿片段，就連著名球手TigerWoods都係用呢部機嚟練波。負責人Philips重透露，現時已有多項比賽進行，獎品由手表到旅遊大獎都有，贏咗更有機會去現場實景打Golf。不過想參加都唔係咁易，要Philips認為你係有潛質，先至會邀請你參加比賽，所以真係非一般遊戲機。