早前，亞Mark話過日產會將原有銅鑼灣嘅陳列室搬去灣仔，咁你又估吓個舊Showroom會點用呢？最近亞Mark收到風，話原址經已名花有主，而租賃嘅公司正係法國雷諾汽車代理咁話。若然屬實的話，佢哋會將銅鑼灣個細Showroom搬進個大陳列室，確實係一件好事，加上今年據知佢哋會陸續有新車抵港，原有陳列室確實不敷應用。至於話雷諾今年嘅重頭戲，相信莫過於全新MeganeII同第4代嘅新款Espace喇！而另一部簇新嘅ClioV6中置小跑車，亦有望響明年初前抵埗。
然而，外間有傳現有銅鑼灣汽車陳列室嘅集中地，有關嘅地產商正計劃發展成另一個蘇豪區，若然屬實的話，屆時汽車業界又會少咗一個Show車嘅好地方喇！