噚日香港中央圖書館同德國科隆公共圖書館簽署合作備忘錄，特別之處在於利用高科技，透過視像會議現場直播，相隔千里嘅香港同科隆，剎那間近在咫尺。
科隆呢個地方有乜嘢特別？呢個地方出咗個七二年得諾貝爾文學獎嘅大作家海因里希．伯爾，佢做過書店學徒，打過二次世界大戰，重做過戰俘。今次兩個圖書館合作頭炮，係一個交換展覽計劃，香港中央圖書館將展出呢位諾獎得主生平同著作，重有手稿、剪報同照片等。科隆方面就會展出早期華人定居香港鄉村嘅歷史資料。
如果想沾染多啲文化氣息，由今日起兩個星期內，可以去中央圖書館地下展覽館，細讀海因里希．伯爾獲得諾貝爾獎嘅大作《和一個女人的合影》。
傳真︰2623-9278
電郵︰