《成報》由有內地背景嘅上市公司陽光文化接管，據消息人士透露，新領導班子已組成，做過《解放軍報》、《大公報》嘅林寧任行政總裁；總編輯魏成思亦甚猛料，曾經同江澤民身邊紅人曾慶紅喺上海市政府共事。
埋班工作如火如荼，暫定本月二十三號正式入主，三月一日版面改革。
陽光文化嘅行政總裁吳征，盛傳同軍方勢力有密切關係；喺收購《成報》後，現任陽光執行董事嘅亞視前高級副總裁包雲龍，會出任《成報》社長。
傳聞中新班子其他成員，重有前《東周刊》編輯朱湛剛，將任新聞總監；曾任職亞視嘅梁慧珉將擔任副刊主管；另有兩名陽光衞視職員亦會過檔。
《成報》現任總編輯魏繼光噚晚話暫未收到裁員或換班指示，副刊主編係因為合作上嘅摩擦而離職，另有美術部幾位職員因部門重組而離職。
傳真︰2623-9278
電郵︰