慈善機構成日為善款頭痛，不過原來出路遇貴人，都可以輕易籌到近二十萬。
噚日林鄭月娥去到保良局同幾十位老人家共進午餐、拜早年兼派利是，筆錢當然唔係財赤嘅特區政府出，而係「鄧肇堅何添慈善基金」撥交社署，何添博士嘅公子何厚浠，同鄧肇堅爵士公子鄧日燊都有到。
林太席間講咗個小故事，話說舊年暑假書展，林太特登請半日假同個仔去參觀，咁啱聖雅各福群會有位同事喺書展認出林太，鍥而不捨向佢介紹中心嘅安老服務計劃。難得林太唔介意假日都冇得清靜，後來重向「鄧肇堅何添慈善基金」推介，結果聖雅各福群會隨即成功獲得近二十萬善款，真係羨煞旁人。咁林太憑乜嘢條件挑選受助機構？兩個字貼士：隨緣。
﹙圖﹚林鄭月娥向長者派百元大利是。呢次活動總共會有七百名老人家可獲發利是，歡度新歲。
傳真︰2623-9278
電郵︰