連六歲小朋友都識玩，所以話暴走鞋絕對是上年至Hit玩意。乘着暴走鞋的氣勢，生產商Heelys推出暴走鞋第二代，速溜暴走加𠝹邊番梘，混合成暴走番梘鞋，又可以暴走又可以跣來跣去。是否真的咁巴閉？不如就請唱得跳得的Juno率先試玩給大家睇睇！
記者：梁珮瑜 攝影：陳陶鈞、林栢鈞
示範：Lock、賤佬、杰宜亮、步飛、八神、伍恍榮
場地提供：香港仔蒲窩
逢星期一、三、五刊出
玩開X-Game兼有跳舞底子的Juno，之前從未玩過暴走鞋，今次跟導師學了約20分鐘，要表演花式當然未得，但基本動作就有板有眼。Juno：「因為地面凹凸不平，初時都唔敢放膽溜。初學者如在平滑地面會更快更易學識。而且好考平衡力，學咗一陣對腳有點痠軟。」番梘鞋唔係咁易玩，要跣到邊相信就要練多幾次。
外形與暴走鞋差不多，平時出街都着得，安上滾軸輪即可滑溜。
以往玩跣壆要助跑，但現在只要暴走衝前，然後利用番梘功能滑行便可。
1.安全裝備：頭手保護裝置、護肘護膝
2.平衡自己：將兩隻腳前後擺放，較強的一隻腳放於後面
後腳：腳趾頂住鞋內前方頂部，腳尖抬起離地約3cm；
前腳：腳趾頂住鞋內前方頂部，腳尖抬起離地約10至15cm；然後扶住欄杆或朋友的手臂，尋找平衡點，準備滑行
3.基本滑行：後腳踏前，然後翹起腳板，以腳跟的滑輪作支點。踏步後後腳踢起，形成向前的衝力
4.停止滑行：慢停須把前腳板再翹高一些，令腳板跟地面產生摩擦後而停下；急停則把前腳腳板放下可立即停下來，衝力太大可前走幾步卸力
5.保養及更換：保持滑輪及軸清潔乾爽，否則容易生銹
查詢網址：
我鍾意刺激的玩意，滑雪同滑板都有玩。呢對鞋都幾特別，應該易過玩滑板。而且個款都幾易襯衫，闊褲板Look就最襯。