今年施政報告成日俾人話空洞無物，再加上啲問責官員事後解畫時又講得好鬼空泛，真係令人摸不着頭腦。好似噚日喺立法會人力事務委員會，經濟發展及勞工局局長葉澍堃話會搞個協助中年人失業嘅計劃，身為行政會議成員嘅田北俊竟然話唔知詳情，想知多啲。
何秀蘭議員當堂笑住話：「呢個政府真係神神化化，無端端搞個計劃出嚟！」劉慧卿議員又話本《施政綱領》連目錄都冇：「真係好奇怪！好似好急咁做出嚟！」兩位前綫女議員你一句，我一句，葉局長只有話不敢苟同，皆因呢個政策佢同部門傾咗好耐先至出台，完全唔係神神化化。
（圖）田北俊（左二）坦言唔係好了解中年再就業培訓計劃，睇嚟政府嘅施政真係幾混亂。
傳真︰2623-9278
電郵︰