北京頤和園聽鸝館西安分店搞嗰餐三十六萬六滿漢全席,愈搞愈大鑊,八方睇內地報紙話,消息見報後引起西安市委同埋市政府關注,西安市委書記栗戰書特別向下級批示,叫「稅務、物價部門了解吓間飯店嘅情況,順便了解用餐者係乜嘢人,有冇我市國家幹部。」當地稅務所所長就拍心口,話會特別留意飯店呢筆營業款項,等飯店申報納稅時嚴格核查喎。
到底誰是大豪客?飯店董事長吳際早前話係廣東商人宴請香港生意上朋友,但呢位客商始終冇露面,係真係假,就要問吓阿際至知。當地報章提到,飯店一餐飯賣到三十幾萬係咪牟取暴利,就要等物價部門鑑定吓。
傳真︰2623-9278
電郵︰