九人組合Cookies、陳文媛和譚玉瑛等昨日到尖沙嘴，出席無綫舉行的「2003兒歌金曲開心嘉年華」記者會。Cookies其中三名成員因病及要上學，所以只得六位成員出現。當她們看到兒童節目主持人譚玉瑛時，表現得好開心，隊長Stephy說：「我哋細細個已經鍾意睇佢，都有諗過上節目玩遊戲，可惜怕醜冇參加。今日係第一次見佢，我哋覺得佢咁多年個樣冇變過，keep得好好皮膚好靚。」
譚玉瑛聽後還笑談護膚之道說：「哦！我飲酒嘛！不過你哋好似有啲人未夠十八歲喎！」
此外，陳文媛生肖屬羊，今年犯太歲，她說：「我從來唔信呢啲嘢，只係曾經有相士話我三十幾歲先結婚，我都覺得幾啱，成熟啲結婚都好。」