蔡少芬昨日為寶齊萊腕表活動擔任特別嘉賓，她在現場逗留半小時，便獲贈兩隻共值近二十萬元的腕表。她覺得自己在馬年好好運，事業發展順利，多搵真銀的機會，又多人愛錫活像小公主。至於愛情她表示不心急，不過要求男友要信主。
寶齊萊腕表為慶祝推出白蒂詩「Bachos」圓形系列腕表，昨日於中環麗嘉酒店舉行活動，請來蔡少芬擔任特別嘉賓。蔡少芬昨日身穿購自法國的露背裙，在活動上僅逗留半小時，便獲贈兩隻價值近二十萬元的鑽表。
蔡少芬原本看中價值近十二萬元的白金腕表，但後來心大心細，認為一隻價值近八萬元的粉紅色絹帶鑽表更實用。寶齊萊總裁見她猶豫不決，即時十分慷慨地將兩隻表均送給她，令她喜上眉梢。
蔡少芬表示該兩款手表是她所收過最貴的手表，她說：「我都係鍾意收表多過自己買，因為朋友送嘅係蘊含咗心思同意義，見到隻表就諗起個朋友。另外如果我接咗條件好好嘅廣告，我都會買隻表獎勵吓自己。我最近接咗個內地美容廣告，日內就會返上海拍，條件唔錯㗎，可以買幾隻鑽表㗎。」
蔡少芬續說：「我覺得自己喺過去一年好好運，事業發展順利，又多搵真銀嘅機會。考電單車又成功，咁多人錫我，真係覺得自己好似個小公主咁。」新一年會否渴望找個小王子？她說：「呢樣嘢將來實有嘅，我唔心急，我係一個缺乏安全感嘅人，我要對方冇條件咁愛我，又要合眼緣，重要同我一樣信主。」
