特首董建華妹夫金樂琦噚日正式就任拉脫維亞名譽領事，喺君悅酒店嘅就職酒會上見證者，包括董建成、胡應湘、吳光正、拉脫維亞外交部長同交通部長等等，可惜金太喺上海去唔到，不過金生兩仔一女同媳婦、女婿、孫仔都有捧場。
呢位領事應該幾清閒，事關舊年開始港人已經可以免簽證入境拉國，唔使搞住金生，所以佢一心促進拉、港嘅文化同貿易交流，向記者大讚當地芝士好好味，暑假重會一家大細齊齊去玩。
胡應湘都係克羅地亞名譽領事，佢講笑話一啲「牙牙詐詐」嘅國家，好似伊拉克、北韓咁，請佢都唔敢做領事。講到港珠澳大橋，一向心高氣傲嘅哥頓都話香港要低聲下氣求廣東省合作，因為未來珠三角發展中，人哋先係正印花旦。
（圖）金樂琦（左）就任拉脫維亞名譽領事，大仔金昌民捧住盆花同太太到賀。 甄朝健攝
傳真︰2623-9278
電郵︰