數碼港呢個項目一直係備受爭議，工商及科技局局長唐英年噚日去立法會講今年大計，就俾馬丁李柱銘質詢，問數碼港最新進展同埋政府有冇計過呢單嘢賺定蝕。唐少嘅答案竟然好有新意，佢話「𠵱家都入埋伙……最主要係賺咗個數碼港！」搞到公眾席各人齊齊「吓」一聲，因為根據合作協議，數碼港住宅部份日後賣樓成績超過建築成本，政府可以分紅。唔通政府都唔睇好賣樓成績，以為分唔到錢？
馬丁又問「塊地冇招標就畀咗盈科，如果重新嚟一次，你會點做？」唐少嘅答案係「我唔識時光倒流、唔識代入做當時嘅政策局長，但你正確嘅批評係當時冇投標。」唐局長都咁講，咁即係一直以來，外間對數碼港嘅指摘都係正確啦！
傳真︰2623-9278
電郵︰