社會人士成日話香港學生嘅語文水平下降，而教育統籌局局長李國章就猛話會改善，之不過，睇嚟局長就真係要首先搞好自己個部門先啦！
皆因噚日喺立法會教育事務委員會特別會議上，李局長畀議員嘅講稿入面，提到語文教育與常務委員會主席「田北晨」，但係就寫錯個「辰」字。發現呢個錯字嘅白鴿黨黨員鄭家富議員講笑咁話：「我以為佢變咗日本人㖭！變成田北早晨！哈！」引得哄堂大笑。
鄭家富重加多句話：「睇嚟香港嘅語文水平真係好低喎！」李局長聽完之後當堂冇晒癮。唉，真係幾失禮人㗎，連咁小嘅錯都犯，實在好難去教好其他人。
（圖）鄭家富雖然一邊食嘢一邊開會，都發現李局長嘅講稿竟然寫錯咗田北辰個名。
傳真︰2623-9278
電郵︰