賭王何鴻燊前晚往灣仔會展出席澳門賽馬會暨百得威有限公司周年舞會，舞會設有跳社交舞環節，賭王卻單拖前來。
問賭王其舞伴四姨太梁安琪（Angela）為何不陪他出席舞會？賭王說：「Angela返咗內地，今晚我冇partner。」此時賭王的電話響，原來是四姨太致電他，他甜絲絲對四姨太說：「我𠵱家俾好多人圍住呀，你喺江西記住帶隻馬騮仔返嚟畀我呀。」
問賭王農曆新年有甚麼節目？他說：「幾十年都一樣啦，初一會返澳門同班員工過，然後即晚返嚟去阿二（二姨太藍瓊纓）度。以前有澳督時，佢會同我喺葡京賭第一鋪，𠵱家特首（何厚鏵）唔鍾意賭嘅。」問賭王過年派利是一定派到手軟，他說：「搵得嚟使得去，每年派利是點都過百萬㗎啦。」