羅兆輝繼去年大爆女星性史後，近日因好友Roger自殺而再度活躍。他前晚接受專訪時又逐一品評圈中女星，指心中「女神」郭羨妮及楊恭如很cheap，舒淇則是理想性伴侶。他更自誇比F4靚仔，又謂有導演找他拍廣告。
羅兆輝去年二月大爆圈中女星性史，繼而大鬧法國，回港後被法庭頒令破產。日前其好友金匡副主席章桂新（Roger）燒炭自殺，幸及時獲救，沉寂多時的羅兆輝因而再次現身，主動致電記者，前晚更約記者到銅鑼灣晚膳，並再次論盡圈中女星。
羅兆輝曾揚言視郭羨妮為夢中情人，現在可有改變？他說：「我幾時有講過鍾意佢呀，佢咁cheap，溫兆倫都跟，即刻降grade（級）啦。」羅兆輝表示現在喜歡身形瘦削的女人，那楊恭如合眼緣嗎？他即說：「佢同×××㗎，咁cheap。」
羅兆輝表示到現時為止，最愛的仍是前妻鄭黛芬，至於以往的緋聞女友可有與他聯絡？羅兆輝說：「我冇打畀劉嘉玲喎，孫佳君間中都有通電話，袁詠儀都冇事啦，佢重話結婚嘅時候會請我去飲呀，MaggieQ都唔關我事，我掂都未掂過。」
羅兆輝又坦言覺得舒淇會是理想的性伴侶，他說：「我睇過佢啲戲，覺得佢無論性格同身材都好啱我，不過我唔會特登識佢，隨緣啦。」
羅兆輝表示自己很少去蒲，通常留在家看電視，最近更追看《流星花園II》，問他是否喜歡演杉菜的徐熙媛？他竟說：「嘩，佢咁醜樣！」難道羅兆輝喜歡F4？他認真地說：「我重靚仔過佢哋啦，你可以唔覺得，但我真係覺得我靚仔啲，你覺唔覺得先？」記者說不覺得，他即沒趣地別轉面翻一翻白眼。
談到經濟狀況，羅兆輝說：「我搞緊取消破產令，我欠人六億，有一半都係大哥Joe（劉鑾雄）嘅，𠵱家傾緊只要我分二十年攤還百分之一，每個月還幾萬蚊啦，只要我欠嘅百分之七十五債項嘅債權人肯就得。」
羅兆輝回家後意猶未盡，主動致電記者再談圈中女星，他說：「我不嬲都識麥家琪，我有睇佢同任港秀拍嗰套《偷窺無罪》，睇到我好興奮，我咪打畀佢囉，佢話遲啲得閒飲茶喎，我以前唔吼佢，因為佢大髀粗過甲組腳，𠵱家瘦咗梗索啦。」
羅兆輝又謂某男歌星欲找他合唱歌曲，但遭他推卻，羅兆輝說：「我梗唔制，如果我同佢合唱，等陣人人搵我合唱，我咪好唔得閒？」
羅兆輝又謂有人找他拍廣告，卻不給酬金，他說：「黎明收三嚿（三百萬），劉德華收五嚿（五百萬），我起碼都三嚿啦，唔畀錢梗唔拍，雖然女主角任我揀。」問他怎麼會有人找他拍廣告？羅兆輝說：「你唔覺得我好charming（吸引）咩？我怕導演拍唔到我啲charm呀！」
