由於維園重修，過去兩年幾《城市論壇》要喺全港各大公園同廣場「流離浪蕩」，噚日就終於返回「大本營」，但估唔到第一日就有火爆場面，黃宏發同「維園阿伯」互罵。
呢班「維園阿伯」粗口滿天飛，連在場差人都怕咗佢哋，不過發叔就唔驚，喺《城市論壇》回歸維園儀式上，已經炮轟「維園阿伯」，話佢哋成日淨喺場外面亂咁鬧人，佢重話換着當年佢做《針鋒相對》：「我一定趕你哋出場！」
班「維園阿伯」一聽就愈鬧愈狠，連「冚家×」都出埋，發叔就睬佢都儍，重叫佢哋入去會場同佢拗過，搞到主持香樹輝鬼咁驚，猛叫發叔唔好挑釁佢哋！
（圖）發叔上咗車，「維園阿伯」重追住佢鬧。
傳真︰2623-9278
電郵︰