多個關注男士健康團體合作搞咗個「香港男士健康論壇」，佢哋喺噚日搞開幕禮兼公布香港男士健康調查結果，發現香港有好多男士嘅健康狀況並唔係咁好，醫學界立法會議員勞永樂噚日都有出席主持開幕禮。
八方問佢自己算唔算係健康男士，勞醫生話，佢嘅體重指數係二十三點幾，啱啱過咗標準指數二十三少少，即係超重。不過佢除較少做運動之外，又唔食煙、又愛食素，而且間唔中重會同自己進行身體檢查，呢排佢又好少喺立法會會議上瞌眼瞓，所以佢話自己都算係一個幾健康嘅男士。
不過，勞醫生笑笑口講，佢都會做多啲運動，例如跑步同行路，等身體健康啲。
傳真︰2623-9278
電郵︰