我Apple姐不時會去銅鑼灣蒲吓行吓，間中都撞到城中名人名媛。好似早排我喺渣甸坊行去時代廣場，遠距離已經見到前利嘉閣老闆娘羅禹貞姬。 高度差一截 羅禹貞姬平時身光頸靚又性感，嗰日佢着住便裝、牛仔褲又冇乜化妝，本來行過都唔係好覺，之不過佢身邊多咗個六呎高嘅外籍猛男，拍住羅禹貞姬嬌小玲瓏嘅身軀，高度差成一大截，真係隔幾條街都見到。佢哋兩個人手拖手，邊行邊睇衫，旁若無人咁款。