李國章一聲研究加學費，先生學生彈起，其實政府咁窮，教育經費實cut，各院校宜有心理準備。下個禮拜二，港大就搞咗個叫「取諸社會，用諸社會」嘅資源拓展研討會，請來籌款高手Prichard教授傳授心得。教授九五年曾為多倫多大學籌得四十五億港元，震撼加拿大。同場研討者尚有梁錦松、林李翹如及其他院校高層。
講起籌錢，消息靈通界人士語八方，謂有城中富豪，本來準備咗一億大元捐畀港大，點知發生鸚鵡事件，鄭耀宗校長落台，捐款一事亦不了了之，結果益咗其他大學。佢又話，搵人捐款固難，收款亦不易，大學係學術機構，個個斯文人，好唔慣追數，所以應該把握機會向Prichard教授偷吓師。
傳真︰2623-9278
電郵︰