數數手指，就到新年，想起來屋企個陳年全盒已經唔知放咗喺邊，不過唔緊要，皆因由即日至1月31日期間，以八達通乘搭新巴十次，就可以用$38換購一個「羊羊得意」轉轉大全盒及賀年揮春一套。話明係轉轉大全盒，盒蓋上特設有一個綿羊形小窿，順着方向轉動便會出現「笑口常開」、「心想事成」、「喜氣洋洋」等八個賀年佳句，意頭十足，而全盒裏面重放有巴士形狀迷你年糕、笑口棗、油角、糖蓮子、花生糖等大堆賀年食品。順帶一提，新巴將會把部份收益捐贈於沙田威爾斯親王醫院坐姿綜合門診，為一班患有肌肉萎縮症的兒童購置輪椅推進器，有意義又應節，重唔快手換番個！
記者：尹珊珊
換購處：新巴顧客服務中心
地址：香港金鐘道95號金鐘(東)巴士總站
查詢電話：21368888
服務時間：星期一至日上午10時半至下午2時，下午3時至晚上7時，公眾假期除外。