陳奕迅（Eason）前晚到港台接受訪問，談及他下月中舉行的個唱，欲邀請孫燕姿、王菲及林憶蓮任表演嘉賓，Eason說：「不過我都未問佢哋有冇期，梁詠琪同莫文蔚就問過。」
問Eason是否請全女班嘉賓？他說：「我都問過陶喆，但佢個期唔得，我第一次開個唱時有請張學友做嘉賓，一齊合唱《望月》，反應好好，但今次佢話要搞完自己個唱先喎。李克勤有e-mail畀我，問我點解開個唱唔搵佢做嘉賓，其實嘉賓唔係一定要有，我唔想請佢哋嚟好似間場咁。」
問Eason是否會經老友謝霆鋒邀請王菲？他說：「唔會，我會搵佢經理人，我都識阿菲啦，但工作嘅嘢經公司搵會好啲，做嘢還做嘢嘛。」
採訪、攝影：胡比