臨近新年，市民消費慾逐漸高漲，唔少運動用品倉都會睇準呢個散貨良機，但論睇頭則莫過於太古集團現正舉行的運動服飾開倉日，皆因太古旗下運動及便服品牌，如Reebok、PUMA、DIESEL、SKECHERS等均會傾巢而出，以低至3折發售，其中唔少新款波鞋重會割價至5折之多，而且買多一對就平得更多，勢必成為全場矚目的搶手貨，想趁住年尾添新衫過新年的話，咁就要快啲入貨嘞！
記者：梁煒健攝影：黃子偉
ImageGirl：Marcella
全場必掃PUMA產品
由於現場以PUMA最多產品，有波衫、波鞋、波褲及大皮袋，款新碼齊，絕對係全場必掃產品。不過始終多人搜購，自然好快斷碼，揀啱即買，咪猶豫。
屬於PUMA秋冬季嘅女裝波鞋貨種，全對以真皮製造，所以十分襟着，而且款式又有點足球波BootFeel，款式夠classic幾時都唔怕Out。
原價：$649
開倉價：$230
兩對以上每對：$190
尺碼：4號半至6號半
PUMA以跑步鞋最出名，鞋底有特殊防震裝置，跑步時特別舒服，所以每季嘅跑鞋均有不俗嘅銷售量。呢對全天候男裝跑鞋，顏色夠搶，家陣喺旺角重有得賣，而今次開倉大減價呢對跑鞋自然成為搶手貨色，打孖上買兩對重有得平㖭！
原價：$549
開倉價：$230
兩對以上每對：$190
尺碼：6號半至9號半
以皮料製成嘅PUMA手挽袋，約有16吋長、10吋高、8吋闊，十分大個，用嚟放運動衫褲去做gym就最啱。加上呢類保齡球大袋由70年代Hit到家陣，真係一年四季都咁啱挽；雖然數量唔多，不過同場重有好多PUMA其他手挽及斜孭袋以供選購。
原價：$249
開倉價：$120
雖然家陣係冬天，但在場小記就見到唔少年輕哥哥仔，一袋、一袋買咗好多件PUMA短袖T恤，其中波衫款嘅短袖Tee亦有不少。難怪嘅，買兩件以上就可由$149減到每件$50，足足係70％off！
原價：$149
開倉價：$60
兩件以上每件售價：$50
尺碼：S、M、L
DIESEL係意大利品牌，除咗有服裝外，其生產嘅時尚便服鞋亦大受年輕一輩少女追捧。DIESEL嘅輕便鞋設計頗為前衞，有尖頭亦有方頭，有皮鞋款亦有波鞋款，確係各適其適。家陣統一減至$250一對，必搶！
原價：由$550至$650
開倉價：$250
兩對以上每對售價：$220
呢排SKECHERS便服鞋大熱，除咗外國有BritneySpears力撐外，本地女歌手BoBo亦成為該品牌嘅廣告女郎；有眾女星支持，今次開倉自然多女性購買。其中就要推介呢對紅色便服鞋，懶人款，去街確係方便。家陣平咗一半，女士們抵買之選！
原價：$490
開倉價：$250
尺碼：6號至9號
小記喺外國讀書已喜歡ROCKPORT呢個牌子，貪其皮料夠靚着得舒服，但因賣到千幾蚊所以唔捨得着。今次開倉除咗有ROCKPORT男女裝返工皮鞋及麖皮便服鞋外，亦有防水步行鞋，所以不少返工一族嘅男士及要四圍跑嘅小記，都會趁此機會要搶番幾對！
原價：由$659至$899
開倉價：$280至$350
兩對以上每對售價：$230至$290
尺碼：8號至10號
屬於02年秋冬季嘅黑色紅邊真皮男裝跑鞋，款式一睇就知夠晒Classic，幾時着都啱睇。今次開倉之中，Reebok亦有唔少型人鞋款出售，款式多尺碼齊，Reebok迷唔好錯過喇！
原價：$459
開倉價：$250
尺碼：7號至10號半
真係唔使講，由Champion生產嘅鴨嘴帽有多款design，顏色又多，由$109減至$20一頂，打網球最啱。另外，今次開倉Champion重有好多產品如背囊、手挽袋以超筍價發售。
原價：$109
開倉價：$20
現場主要賣波鞋為主，波衫及長波褲就只得好少量，所以睇啱即取。最為搶手嘅產品係斜孭袋，差不多每位少女入嚟都會買番一、兩個走，場面的確熱鬧。
首日直擊 個個都話抵！
開倉資料
地址：荔枝角大南西街601-603號香港紗廠大廈I及II期2字樓（荔枝角地鐵站B1出口）
電話：23106245
日期：即日至1月26日止
時間：
星期一至五中午12:00至下午2:30、下午5:30至晚上8:00
星期六中午12:00至晚上7:00
星期日中午12:00至晚上6:00
註：入場人數由主辦單位決定，額滿即止。
只接受現金付款，數量有限，售完即止。